'Ofa fakasamaletani mei he kainga Kolovai Aotearoa

Kuo a'utaki mai 'a e koniteina na'e 'ofa 'aki mai 'e he Kalapu Toa ko Pouvalu 'o Aotearoa kae'uma'a 'a e kainga kolovai kotoa pe 'i 'aokalani ki he ngaue 'a e kalapu 'oku lolotonga fakahoko 'i Tonga ni. Koe koniteina ni foki meimei koe konga kotoa ia ki 'olunga 'o e fale 'aia 'oku kau ai 'a e papa, kapa moe ngaahi koloa kotoa ki he fale.Ko ia ai 'oku hounga ki he Palesiteni kae'uma'a 'a e kalapu hono kotoa ki he fu'u 'ofa fakasamaletani moe manatu 'ofa si'i kainga kolovai 'o Aotearoa. 'Ofa pe ke kei lotolotoi 'ene 'alo'ofa 'iate kitautolu hono kotoa.Kuo kamata e ngaue he 'aho ni he na'e fakatatali pe ki he koniteina ke a'u mai. 'Aia 'oku taketi pe ke 'osi kimu'a 'i he 'aho kuo kotofa ke fakatapui ai.Me'a me'a mai ki he ngaahi 'ata ko ena 'i hono fakahifo 'o e koniteina. Ne lave monuu foki moe kau memipa 'e ni'ihi kae'uma'a 'enau fanau he ngaahi vala ne 'ofa mai 'aki 'ehe kainga Nu'usila. Mou me'a pe ki he taa ki he tili na'e fai. Koe fale ena 'asi mai 'i he tu'unga 'i he lolotonga ni. Koe toenga ngaahi 'ata 'e 'oatu ia kemou me'a kiai he vavetaha.'Ikai ngata pe he kainga Aotearoa, ka na'e 'osi a'utaki mai foki 'a e 'ofa ia 'a e kainga Kolovai 'i Senee 'aia na'e fakaa'u mai ia 'e Eke (Vunipola) ki he palesiteni 'aia na'e fe'unga moe pa'anga Tonga 'e $20,105. Ko ia ai 'oku 'oatu e fakamalo 'a e palesiteni kiate kimoutolu hono kotoa.
scheduled
10/